Neste arquivo atoparedes os equipos formados polo alumnado do IES Esparís para participar no torneo interno organizado polo Seminario de Educación Física para este curso 2006-2007.

A participación é voluntaria e os partidos xóganse no tempo de recreo no ximnasio do instituto.

Neste arquivo podes atopar o nome e o curso dos equipos que participan no torneo interno de futbol sala que se celebra no IES de Esparís entre os días 19 e 23 de xuño.

Neste arquivo podes atopar o nome e o curso dos equipos que participan no torneo interno de brilé que se celebra no IES de Esparís entre os días 19 e 23 de xuño.

A indiaca ofrécenos a posibilidade de ensinar ao noso alumnado un novo xogo cun elemento tamén novedoso para eles, que é precisamente a indiaca.

Varios son os obxectivos que persigo co traballo nas clases deste xogo recreativo, que tamén pode ser de competición se así o desexamos:

• introducir o regulamento básico do bádminton, deporte que practicarán en cursos sucesivos;
• traballar a condición física , especialmente a resistencia aeróbica e a velocidade de reacción;
• desenvolver a coordinación óculo-manual;
• mellorar a percepción espacial para ter sempre a mellor situación na pista de bádminton;
• acadar transferencias positivas a deportes como o bádminton, as palas e o voleibol;
• favorecer a coordinación coa parella e o traballo cooperativo;
• traballar a lateralidade, de tal xeito que se favoreza o lado forte pero tamén o desenvolvemento do lado débil;
• reforzar o respecto polas normas por riba do resultado.

Podedes engadir á lista anterior todos aqueles obxectivos que vos parezan axeitados e que vós mesmos traballades nas vosas clases co voso alumnado.

• regulamento do xogo da indiaca 

Neste arquivo aparece unha proposta de regulamento do xogo da indiaca para a súa práctica nas clases de Educación Física.

Posto que éste é un xogo alternativo se poden establecer todas as modificacións ao regulamento que vos parezan oportunas, de tal xeito que podades adaptalo ás vosas instalacións, material, número de alumnos e alumnas, tempo adicado, etc.

Como un exemplo de adaptación deste regulamento e se o que queredes é que o xogo da indiaca vos sirva para introducir o voleibol, podedes variar o número de xogadores (desde 2 ata un máximo de 6 por equipo), o sistema de puntuación, a colocación dos xogadores...e todos aqueles aspectos que máis se aproximen ao deporte de voleibol.

Tamén, e dependendo do tipo de indiaca que empreguedes, na medida en que sexa menos pesada, podedes introducila nas vosas clases empregando palas ou raquetas para golpeala e de novo poderedes variar todos aqueles elementos que máis se aproximen ao deporte que queirades ensinar ao voso alumnado.

Polo tanto, ésta é unha proposta de regulamento do xogo da indiaca que responde aos obxectivos plantexados no meu centro e para o meu alumnado, que espero vos axude na vosa práctica introducindo as adaptacións necesarias en cada caso.